هل يوجد طفل متحرش؟ وما هو علاجه/ أكاديمية أرض الكنوز تجيب "عن التحرش بالأطفال"

"احضنيه وهيكون كويس"- يا مدام ابنك مش قليل الأدب... هو بس شخصيته نمطها "حسى غير مشبع"👩‍⚕️👨‍⚕️
- نعم !!
- هشرحلك بهدوء😉
دكتور أميرة عامر مدربة التربية الايجابيه المعتمده من أمريكا فسرت الطفل الصغير اللى بيقوم بسلوك التحرش؛ بإنه يإما اتعرض للتحرش قبل كده يإما نمط شخصيته "حسى غير مشبع"..
وده معناه إنه طفل محب للأحضان والطبطبة والتلامس جدا، ومابياخدش حاجته العاطفية دي بما يكفي (بما يكفي من وجهة نظره هوا، مش من افتراضك الشخصي😐👌🏻)
طفل ادراكه بحواسه وأطرافه، باللمس والاحساس.. اه والله🙂
- طب واتعامل ازاى معاه؟
- بصى يا ستى.. الطفل دا علاجه الاساسي في اشباع نمطه، وزيه زي الطفل اللي بيلامس اعضائه الخاصه، لما مايلاقيش اشباع للنمط بيلجأ لأنه يلامس نفسه بنفسه، والاتنين محتاجين نفس الخطوات اللي جايا دي✋

١- احضان كتييير خلال اليوم مالا يقل عن ٤-٥ احضان، واللي يقدر يزود يزود
٢- الاحضان من نوع مختلف👌🏻 لازم تكون قوية أوي ومدتها لا تقل عن ٣٠ ثانية
٣- طبطبه وتلامس زودي علي اد ما تقدري، ادعكي ايده، العبي في شعره، طبطبي علي ضهره، أي حاجة...

٤- لما تلاقيه مد ايده تلامس مع اعضائه شيليها بهدووء بدون تعليق. ليييه؟؟ يعني مارزعوش الم علي وشه عشان يعرف انه غلط؟؟؟. أوووعي🤦🏻♀️ كدا بتثبتي السلوك في عقله الباطن وهايفضل يكرره تاني 🤭😬
شيلي ايده بهدوء، طبطبي عليها واشغليه باعمال يدوية زي أنشطة الصلصال والفك والتركيب

٥- خلال الخمس سنوات الأولى ان لم يكن ازيد قليلا؛ الطفل في سن استكشااااااف بيستكشف جسمه وبيلمسه ويكتشف كمان انه بيحس بارتياح لما بيلامس المناطق دي!! طب ليه؟؟؟ لانها فيها نهايات عصبيه حسيه كتييييييره جدااا، فبتحسسه بارتياح لما يلمسها😐. يعني ابنك مش قليل الأدب ولا مستقبله ضاع ولا متحرش. دا طفل بيستكشف، أو طفل حسي غير مشبع النمط، أو طفل محبط مجروح مش عارف يعبر عن اللي واجعه، أو طفل بيتعرض لعنف سواء جسدي أو بالزعيق والتهزيق أو النقد واللوم الكتير أو أو أو اسباب كتيره جداااا

وبكده نكون فسرنا سلوك الأطفال وازاى نقدر نعالج ده واتكلمنا المرة اللى فاتت عن أعراض تعرض إبنك للتحرش الجنسى وطريقة الوقايه منه وهنعرفك المرة الجايه تتصرفى إزاى لو اتعرض ابنك للتحرش بشكل فعلى.. فتابعوناا😍
------------------------------
أعراض التحرش والوقايه منه:
https://www.facebook.com/Ardelkonouz/photos/a.1777521882558829.1073741828.1766911260286558/1878494972461519/?type=3&theater&notif_t=feedback_reaction_generic&notif_id=1515796779724317

كيف تحمى طفلك من التحرش وما هى أعراضه؟!/ أكاديمية أرض الكنوز تجيب عن "التحرش بالأطفال"

ضد التحرش بالأطفال

بنعانى مؤخرًا من إزدياد حالات التحرش بالأطفال سواء من الأقارب أو من الأشخاص الغير قريبين من طفلك ولكن المصيبه الأكبر إنه حسب كلام دكتور أميرة عامر مدربة التربية الايجابيه المعتمده من أمريكا؛ إن مؤخرا الحدوته كبرت وبقى فى تحرش بين الأطفال وبعضهم وطبعا كله ليه اسبابه.. ف خلونا ندخل ف الموضوع على طول لانه لايحتمل المقدمات الطويله

أولًا:

فى فرق ما بين ان ابنك كان اصلا ع طول بيسرح وبين انه مؤخرا بقى بيسرح كتير جداا وبيهرب م المواقف الاجتماعيه او بيتهرب من انه يقعد مع شخص معين طول الوقت حتى لو كان أحد الأقارب، كل ده ممكن يكون دليل ع تعرض ابنك للتحرش الجنسى والاعراض دى اتجمعت فى تقرير فى اليوم السابع وكان أهمها الهبوط الشديد فى مستواه الدراسى.. الغضب فجأة والثورة المستمره.. الانسحاب والشعور بالحزن والاكتئاب الشديد وغيرها م الأعراض اللى حقيقى المقاله مش هتستوعبها بس تقدروا تتعرفوا عليها من خلال لينك التقرير ده:

http://www.youm7.com/story/2016/5/1/%D9%85%D8%AA%D8%B3%D8%AA%D9%87%D9%88%D9%86%D8%B4-%D8%A8%D9%8A%D9%87%D8%A7-18-%D8%B9%D9%84%D8%A7%D9%85%D8%A9-%D8%AA%D8%A4%D9%83%D8%AF-%D8%AA%D8%B9%D8%B1%D8%B6-%D8%B7%D9%81%D9%84%D9%83-%D9%84%D9%84%D8%AA%D8%AD%D8%B1%D8%B4-%D8%A3%D9%88-%D8%A7%D9%84%D8%A7%D8%B9%D8%AA%D8%AF%D8%A7%D8%A1/2699894

ثانيًا

الخطوة الأولى لحماية إبنك من التحرش وهى خطوة "الوقايه" ودى حددناها فى 9 خطوات حسب كلام أخصائية التربيه الإيجابية وهم كالتالى:

1- لازم اعلمه يعني ايييه جسمه؟؟ يعني ايه منطقه خاصه؟؟ يعني ايه ممنوع حد يشوفها أو يلمسها.. مين اللي ينفع يساعده اثناء الحموم مثلا أو التويليت لو محتاج مساعده واعدله الناس اللي ممكن تساعده مثلا ماما/بابا/تيته/...الداده في المدرسه ولو انها مش مضمونه بردو🤐

2- انبه عليه ان حتي دول وهما بيساعدوه ماينفعش يبصوا للمناطق الخاصه واحأول وانا نفسي بساعده في نظافته الشخصيه اني اداريه عشان يتعلم يعنى ايه خصوصياته😉

3- ممنوع منعا باتا تغيرى للولاد قدام بعض أو تحميهم مع بعض😱

4- لازم واحنا بنساعد الأطفال علي اللبس نقفل الباب. ودايما نقولهم عشان عيب حد يشوفنا واحنا بنغييير 😍

5- اعلمه بدري يعتمد علي نفسه في اللبس والنضافه الشخصيه قدر الإمكان💪

6- خدى بالك كويس أوى من المشاهد اللى بيشوفها ابنك سواء فى التليفزيون او ع النت، مينفعش ابداا اسيب معاه اللاب ويتفرج ع اللى ييجى قدامه بقى.. وبالنسبه للاعلانات اللى بتيجى ع يوتيوب ف ده لينك لفيديو بيعلمك ازاى تحجب المواقع الغير لائقه اللى ممكن تظهر للاطفال ع يوتيوب..

https://www.facebook.com/playlearnandenjoy/videos/292062861205723/?hc_location=ufi

7- صاحبى ابنك وابنى معاه علاقه كويسه وخلى فى مجموعة اسئله كدة بتسأليها يوميا زى مثلا (احكيلى عن يومك وإيه اكتر حاجة عجبتك النهارده وايه اللى ضايقك) وده اللى هيخلى فى اساس متين لعلاقتك بيه
💚

8- بلاش تسيبى ابنك عند حد من غير رقابه لان ببساطه الدنيا مبقاش فيها أمان ده غير انك لو واثقه ف قرايبك أو جارتك ف إنتِ متضمنيش أبدًا الضيوف اللى هييجوا عندهم ويتعاملوا مع ابنك😉

9- أخيرًا بقى.. ركزى مع الولاد لما يقعدوا مع بعض او ادخلى العبى معاهم؛ خليهم تحت رقابتك بأى شكل م الأشكال وبلاش الثقه العمياء ف انهم أطفال صدقينى الجيل الجديد م الأطفال متوحشين جداا ومش زى زمان😓

كده النهاردة اتكلمنا عن الأعراض وعن الوقايه فى البدايه وازاى اعمل توعيه لابنى.. بكرة ان شاء الله هنتكلم تعملى ايه لو لا قدر الله اتعرض للتحرش وهنتكلم كمان عن الاسباب اللى ممكن تخلى طفل صغير يكون متحرش اصلا

إملا التانك.. دليلك لرسم خطتك للعام الجديد

مع بداية السنه الجديده "متنساش تملا التانك"
كان فى كتاب محترم جدًا اسمه "سيندريلا سيكريت"، وذكر ان فى ف حياة كل واحد مننا 4 تانكات ماشى بيهم ولازم يتشحنوا طول الوقت ومفيش حاجه منهم تيجى ع حساب التانيه..
التانكات دى هى:
1- تانك علاقتك بربنا
2- تانك علاقتك بأسرتك واهلك
3- تانك علاقتك بنفسك
4- تانك علاقتك بأصدقائك
وبما انها سنه جديده يعنى ربنا وهب لنا فرصه جديده نصلح فيها أخطائنا ونحصر دروس السنه اللى فاتت عشان نقدر نتعلم منها ..
محتاجين نقيم علاقتنا مع ربنا ونرسم الخطه اللى هنكمل فيها الأجزاء الناقصه، ده غير إن دى فرصه حلوه تبدأ فيها إنك تظهر بشكل جديد ف علاقتك بأسرتك وتصلح النقاط السيئه اللى كانت موجوده..
 زى ما المفروض اننا اتطورنا خلال السنه اللى فاتت وناويين نشوف هناخد خطوات ايه عشان نطور نفسنا أكتر السنه دى أو حتى نخلى 2018 بداية التطوير .. ابتدى حضر خططك وشوف هتاخد كورسات ف إيه واعمل جدول زمنى عشان تقدر تنظم وقتك..
أما بقى الأصدقاء ف ده الوقت المناسب جدًاا لإننا ننضف حياتنا ونشوف مين هيكمل معانا ومين كفايه عليه بوظلنا سنه فاتت ومينفعش يكمل لإن ده أحسن ليه ولينا
الخلاصه.. اقفل صفحة 2017 بعد ما تحصر كل السلبيات والإيجابيات فيها عشان متكررش أخطاءك وتكون عشت 2017 مرتين.. املا التانكات واشحن وارسم خطط وحسن علاقتك بأطفالك وأهلك وتفائل خير وسيكون ما تتمنى إن شاء الله
كل عام أنتم بخير وربنا يجعلها سنه أسعد بكتير من اللى قبلها
*2018 بداية التغيير للأفضل

ابنك مش بيسمع الكلام .. تعملي ايه؟ | مدرسة 3 ساعات

- حمزه لم لعبك.. حبيبى ابدأ مذاكرتك.. حمزه! حمزززززه😠😠
- فى ايه بس ليه متضايقه من ابنك😳
- مش بيسمع الكلام وبقول الحاجه مليون مره ومش بتتنفذ، أعمل ايه؟!
- بهدوء بس وكل حاجة هتتحل تعالى نشوف 9 نصائح تضمنى بيهم أكبر قدر من الطاعه😉
1- "إن المحب لمن يحب مطيع".. عشان كدة لازم تجذبي انتباه ابنك وتحرصى انك تعبرى عن حبك ليه باكتر من طريقه ووقتها أوامرك هتتنفذ دايماا لانك عايزه مصلحته وبتحبيه مش لان مامى بترخم على وخلاص😅
2- بلاش ياخد أكتر من أمر فى وقت واحد؛ عشان ذاكرته مش هتستوعب كل ده وطبيعى مش هينفذها كلها🙂
3- الثبات: بمعنى انه مينفعش تأمر بشىء وتيجى تانى يوم تنهى عنه؛ لانه مش هيبقى فاهم ينفذ ولا ﻷ😵
4- " خاطبوا الناس بقدر عقولهم" يعنى نقول اﻷمر باللغه اللى يفهمها ابنك وبوضوح
5- بلاش جو العناد عشان ينفذ اللى احنا عايزينه؛ لانه لما هيكبر هيعمل كدة مع ولاده ده غير انه بعد فتره مش هيفرق معاه التنفيذ او ﻷ بالعكس الموضوع هيبقى تحدى بالنسباله وعايز يفوز فيه ووقتها هنفقد كل السيطره تقريبا 😯
6- ياريت نكافأ ابننا على اطاعة الاوامر بس حافظى ان الموضوع ميبقاش خدمه مقابل خدمه.. رشوه يعنى عشان ينفذ😁
7- بلاش عنف وبلاش تهديد؛ الوسائل دى بتبقى فعاله جداا ف البدايه وبعد كدة بتبقى "مره تفوت ولا حد يموت"😂
8- ياريت واحنا بنأمر الطفل، نحط فى اعتبارنا الطفل يقدر اصلا ينفذ ده ولا ﻷ..
9- نتابعه وهو بينفذ اﻷمر عشان لو احتاج اى مساعده.. مش يبقى هو ف وادى واحنا ف وادى تانى خاالص😇